Yadda ‘Yan bindiga suka kashe Ahmed Gulak a Owerri

Tsohon, Kakakin majalisar Dokokin jihar Adamawa, tsohon mai baiwa tsohon shugaban kasa Goodluck Jonathan shawara kan siyasa, Ahmed Gulak ya gamu da ajalin sa a Owerri, babban birnin jihar Imo ranar Asabar.

Ana zargin cewa ‘mayakan kungiyar Tsageran Inyamurai, IPOB ne suka bindige shi a hayar sa ta zuwa filin jirgi daga dakin Otel din sa a Owerri zai dawo Abuja.

Wani jami’in tsaro ya bayyana cewa da ma kuma akwai wani bidiyo da aka samu dake bayyana sakon shugaban IPOB, Nnamdi Kanu, ya na gargadin duk wani mazaunin garin Owerri kada ya fita waje kwata-kwata na tsawon kwanaki biyu.

” Ban ga dalilin da zai sa gidajen jaridu da ‘yan Najeriya za su zasu rika kiran’ yan IPOB’ ‘Yan bindiga ba, bayan an san su kuma sun fadi cewa su ne ke kai wa ofishoshin’ yan sanda harere da mutanen da basu ji ba, ba su gani ba”.

KARANTA:  WUTA SALLAU’: Yadda cin lafiyayyar shinkafa dafa-duka ya gagari mai karamin karfi a Najeriya -NBS