Babban Labari Bandits Greenfield Labarai PREMIUM TIMES

‘Yan bindiga sun kashe karin dalibai biyu na jami’ar Greenfield

Written by Tabarau

A wata sanarwa da kwamishinan Tsaron Jihar Kaduna ya fitar ranar Juma’a maharan da suka sace daliban Jami’ar Greenland dake Kaduna sun kashe karin dalibai biyu.

Idan ba a manta ba, a makin jiya maharan suka kashe dalibai uku cikin dalibai da dama da suka sace a jami’ar Greenfield a makon jiya.

Aruwan ya ce tuni har an kwashe gawar su zuwa asibiti.

El-Rufai ya mika ta’aziyyarsa ga iyaye da yan uwan daliban da aka kashe.

A wancen karon, Aruwan ya bayyana cewa yan bindigan sun jefar da gawarwakin daliban a wani kudiddifi a kauyen Kwanan Bature dake kusa da makarantar.

‘Yan bindiga sun afka jami’ar Greenfield dake kan hanyar Kaduna zuwa Abuja, suka sace dalibai dake makarantar.

Maharan sun arce da dalibai amma ba a fadi yawan daliban da aka sace ba.

Sanata Shehu Sani shima ya yi tir da aukuwar wannan al’amari yana mai cewa ” Yanzu na karanta labarin wai an sace dalibai a jami’a mai zaman kanta dake Kaduna. Allah ya kyauta.

Wani ma’aikacin kamfanin Olam ya shaida wa PREMIUM TIMES cewa sun rika jin harbin bindiga cikin dare amma basu san me ke faruwa ba.

KARANTA:  KORONA: A daure a ci gaba da wanke hannaye domin dakile yaduwar cutar - Hukumar NCDC

” Tsakani da Allah, ban ga dalilin da zai sa a halin da ake ciki wani ya bude makaranta a wannan wuri ba. Akwai hadarin gaske sannan kullum ka wuce za kaga motar yan sanda daya tilo a gaban makarantar.

Idan ba a manta ba a cikin watan Maris,’ Yan bindiga sun sace daliban makarantar Forestry,

Gwamnan jihar Nasir El-Rufai ya bayyana cewa gwamnatin sa ba za ta biya ko sisi kudin fansar duk wanda aka sace a jihar.

” Ni fa koda da na ne aka sace, sai dai in yi masa addu’a Allah ya hada mu a Lahira, amma ba zan biya ko sisi ba.

Leave a Comment