Abuja Babban Labari Boko Haram Hausa Labarai Najeriya News PREMIUM TIMES

‘Mu muka harbo jirgin yakin Najeriya’ – Inji Boko Haram

Written by Tabarau

Boko Haram sun yi ikirarin daukar alhakin harbo jirgin yakin Najeriya, wanda aka bayyana bacewar sa kwana biyu da su ka gabata, a kan hanyar sa ta kai wa Boko Haram farmaki.

Kungiyar ta’addanci na Boko Haram ta fitar da wani bidiyo, inda aka nuna mayakan ta na harbin wani jirgin yaki, wanda aka tabbatar cewa shi ne samfurin alpha jet, wanda Rundunar Sojojin Najeriya ta bayyana bacewar sa.

Cikin wani bidiyo mai tsaron mintina bakwai da sakan 30, an nuno jirgin yakin ya na rikitowa kasa, yayin da Boko Haram su ke harbin sa.

Jaridar intanet mai suna HumanAngle, ta bayyana cewa an ga mayakan Boko Haram a cikin bidiyon su na harbin jirgin yakin, a lokacin da ya rikito kasa, kuma ya kama da wuta.

An ga wani mayakin Boko Haram a kan jirgin yakin ya hau ya na magana da Hausa kuma da Turanci.

PREMIUM TIMES ta buga labari a safiyar Juma’a cewa Rundunar Sojojin Saman Najeriya Najeriya ta bayyana sunayen sojojin sama biyu da su ka bace tare da jirgin yaki yayin kai wa Boko Haram farmaki.

KARANTA:  An kashe mutum ɗaya, an ƙona gidaje 50 tsakanin ƙabilun Shongom da Filiya a Gombe

Kakakin Rundunar Sojojin Sama na Najeriya, Air Commodore Edward Gabkwet ya bayyana sunayen sojojin sama biyu da su ka bace tare da jirgin yakin sojoji a yankin Arewa maso Gabas.

Ya bayyana cewa sojojin saman su biyu akwai Flight Lietanant John Abolarinwa da kuma Flight Lietenant Ebiakpo Chapele.”

Ya ce akwai yiwuwar jirgin na su hatsari ya yi ya fado kasa, amma har yanzu dai babu labarin inda su ke.

“Har yanzu dai babu labari, sai dai ba za a iya cewa ga dalilin hatsarin ba, idan ma hatsari jirgin yakin ya yi. Amma dai mu na fatan ganin bayyanar sojojin saman su biyu da ke cikin jirgin.”

PREMIUM TIMES HAUSA ta buga labarin cewa jirgin yakin Najeriya ya bace yayin kai wa Boko Haram farmaki.

A labarin an tabbatar da bacewar wani jirgin yakin sojojin saman Najeriya, amfurin Alpha Jet, wanda ake kai wa Boko Haram hari da shi, a Jihar Barno ya bace.

Mahukuntan sojojin sama ne su ka bayyana haka a ranar Alhamis din nan da safe.

Kakakin Hukumar Sojojin Saman Najeriya, Edward Gabkwet ya ce jirgin samfurin Alpha Jet ya bace daga idanun na’urar hangen jiragen sama, wato ‘radar’.

KARANTA:  Abubuwan Mamaki 12 Game Da Hanta

Air Commodore Gabwet ya kara da cewa jirgin yakin ya bace, “yayin da ya ke kai farmakin agaza wa sojojin kasa a batakashi da Boko Haram a Arewa maso Gabas.

“An daina gani ko sanin halin da jirgin yakin ke ciki, tun daga karfe 5.08 na yammacin ranar Laraba, 31 Ga Maris, 2021.”

Ya kara da cewa da zarar an ji duriyar sa, an gan shi ko kuma an san halin da ya ke ciki, to za a gaggauta sanar wa jama’a halin da ake ciki.

Bacewar jirgin yaki ta faru ne makonni kadan bayan da wani jirgin yakin samfurin Beechcraft B350i ya rikito kasa sakamakon matsalar inji da ya samu a kan hanyar sa ta zuwa Minna, Jihar Neja.

Wancan jirgin da ya fado, ya na kan hanyar sa ne ta zuwa aikin leken asiri a Jihar Neja, a wani kokarin da aka yi domin cewto dalibai da malaman sakandaren Kagara da masu garkuwa su ka rike a lokacin, a jihar Neja.

Faduwar Jirjin Yakin ta janyo asarar kananan hafsoshin soja da su ka hada da: Flight Lieutenant Haruna Gadzama (Captain), Flight Lieutenant Henry Piyo (Co-Pilot), Flying Officer Micheal Okpara (Airborne Tactical Observation System (ATOS) Specialist), Warrant Officer Bassey Etim (ATOS Specialist), Flight Sergeant Olasunkanmi Olawunmi (ATOS Specialist), Sergeant Ugochukwu Oluka (ATOS Specialist), da kuma Aircraftman Adewale Johnson (Onboard Technician).

KARANTA:  Marasa kishin Najeriya daga cikin malaman addini da 'Yan siyasa ke neman wargaza kasar

Sojojin saman Najeriya na cikin aikin yakin da Boko Haram gadan-gadan a Arew maso Gabas da kuma yaki da harara masu yin gakuwa da mutane.

Su ne kuma ke kai hare-hare a sananonin Boko Haram a kai a kai.

Leave a Comment